Dyra på Svisdal
Kua
Vi har rundt 25 kyr på Svisdal. Dei går ute på beite om sommaren, og ein del av flokken er på seter på Inner Gammelsetra. Mjølka frå kyrne blir til Fjellmjølk i gardsmeieriet vårt.
ca. 25
kyr
Heile året
kalving
Inner Gammelsetra
seter om sommaren
Kyr på Svisdal
Mjølkekyrne våre
Mjølkeproduksjonen er hovuddrifta på garden. Vi har hovudsakleg kyr av rasen Norsk Raudt Fe (NRF), men også nokre Brown Swiss og Sidet Trønder- og Nordlandsfe (STN). Dei ulike rasane gir ein fin variasjon i kuflokken, både i utsjånad og personlegdom.
Hausten 2025 flytta kyrne inn i eit heilt nytt og moderne lausdriftsfjøs. Her kan dei bevege seg fritt, ete og kvile når dei sjølve ønskjer det. Fjøset har gode liggjebåsar med vassmadrasser, og vi har lagt stor vekt på dyrevelferd og trivsel.
For oss er det viktig at dyra har det godt. God dyrevelferd er grunnlaget for både god mjølk og ei framtidsretta gardsdrift.
Mjølka frå kyrne blir pasteurisert og tappa på glasflasker i gardsmeieriet.
01
Lausdrift
Kyrne går fritt inne i fjøset.
02
Mjølkerobot
Kyrne blir mjølka når dei sjølve vil.
03
Kalving heile året
Ikkje berre om hausten.
Bilete
Kalvar og fjøs
Seter
Inner Gammelsetra – levande setertradisjonar
Kvar sommar sender vi nokre av kyrne våre til Inner Gammelsetra, der dei får vere ein del av den tradisjonelle seterdrifta.
Setra høyrer til Svisdal gard, men blir driven av ei eiga stifting. Det spesielle med Inner Gammelsetra er at det er ungdommar som står for den daglege drifta. Slik får unge menneske lære om setertradisjonar, dyrestell og matproduksjon, samtidig som viktig kunnskap blir ført vidare til nye generasjonar.
Vi er stolte av å vere ein del av dette arbeidet og bidra til at setertradisjonane framleis lever.
Seter
Kyrne på seter
Svisdal Gard har kyrne sine på Inner Gammelsetra, og nokre av kyrne blir brukte til setedrift der.